తెలుగు చిత్ర పరిశ్రమకు ఓవర్సీస్ మార్కెట్ లో ప్రధానమైన ఏరియా నార్త్ అమెరికా. తెలుగు వాళ్లు ఎక్కువగా ఉండే దేశం కావడంతో అమెరికాలో మన సినిమాలకు డాలర్ల వర్షం కురుస్తుంటుంది. ఇక.. అమెరికాలో అత్యధిక వసూళ్లు సాధించిన టాప్ 5 సౌతిండియన్ మూవీస్ లో.. నాలుగు చిత్రాలు ప్రభాస్ వే కావడం విశేషం.
నార్త్ అమెరికాలో అత్యధిక వసూళ్లు సాధించిన మొదటి చిత్రంగా ‘బాహుబలి 2‘ నిలిచింది. అమెరికాలో ఈ సినిమా ఏకంగా 21 మిలియన్ డాలర్స్ కు పైగానే కొల్లగొట్టింది. ఆ తర్వాతి స్థానంలో రాజమౌళి మల్టీస్టారర్ ‘ఆర్.ఆర్.ఆర్‘ ఉంది. ‘ఆర్.ఆర్.ఆర్‘ సినిమా అక్కడ 14.83 మిలియన్ డాలర్స్ వసూలు చేసింది. ఆ తర్వాతి స్థానాల్లో వరుసగా ‘కల్కి, సలార్, బాహుబలి‘ సినిమాలున్నాయి. వీటిలో ‘కల్కి‘ సినిమా ఇప్పటికే 9 మిలియన్ డాలర్ల వసూళ్లు సాధించింది. లాంగ్ రన్ లో ఈ చిత్రం ‘ఆర్.ఆర్.ఆర్‘ వసూళ్లను అధిగమించి రెండో స్థానానికి వెళ్లే అవకాశాలున్నాయి.
మరోవైపు.. మూడు రోజుల్లోనే ప్రపంచవ్యాప్తంగా రూ.415 కోట్లు కొల్లగొట్టింది ‘కల్కి‘. ఈరోజు ఆదివారం కూడా వసూళ్లకు ఢోకా లేదు. మొత్తంగా.. ఈ వీకెండ్ కు ‘కల్కి‘ రూ.500 కోట్లు దాటేయడం పక్కా అంటున్నారు ట్రేడ్ పండిట్స్.
