అందంతో పాటు అభినయంలోనూ ఆకట్టుకునే భామలు అరుదుగా ఉంటారు. అలా.. ఒకవైపు గ్లామర్, మరోవైపు పెర్ఫామెన్స్ తో అదరగొట్టే మలయాళీ ముద్దుగమ్మ మాళవిక నాయర్. ఇప్పటివరకూ రొమాంటిక్ లవ్ స్టోరీస్ లోనే ఎక్కువగా నటించిన మాళవిక.. ఫస్ట్ టైమ్ ఓ సీరియస్ రోల్ లో కనిపించబోతుంది. కళ్యాణ్ రామ్ ‘డెవిల్‘లో మణిమేకల పాత్రలో పొలిటీషియన్ గా కనువిందు చేయబోతుంది.
నందమూరి కళ్యాణ్ రామ్ బ్రిటీష్ సీక్రెట్ ఏజెంట్ పాత్రలో నటిస్తున్న సినిమా ‘డెవిల్‘. పీరియాడిక్ యాక్షన్ థ్రిల్లర్ గా ఈ సినిమా రూపొందుతోంది. ఈ మూవీలో సంయుక్త మీనన్ హీరోయిన్ గా నటిస్తుండగా.. కీలక పాత్రలో మాళవిక నాయర్ కనిపించబోతుంది. లేటెస్ట్ గా ఈ మూవీ నుంచి మాళవిక పోషిస్తున్న మణిమేకల పాత్రకు సంబంధించి ఫస్ట్ లుక్ రిలీజ్ చేసింది నిర్మాణ సంస్థ అభిషేక్ పిక్చర్స్.
అసలు ‘డెవిల్‘ చిత్రానికి నవీన్ మేడారం దర్శకుడు. ఏమైందో తెలీదు ఇప్పుడు ఈ సినిమాకి నిర్మాణంతో పాటు దర్శకత్వం కూడా అభిషేక్ నామా పేరే వేసుకున్నారు. నవీన్ మేడారం ఈ ప్రాజెక్ట్ నుంచి తప్పుకోవడంతో అభిషేక్ నామా దర్శకత్వ బాధ్యతలు చేపట్టినట్టు తెలుస్తోంది. నవంబర్ 24న పాన్ ఇండియా లెవెల్ లో పలు భాషల్లో ‘డెవిల్‘ విడుదలకు ముస్తాబవుతోంది.
