సెన్సేషనల్ బ్లాక్ బస్టర్ ‘కల్కి‘ లేటెస్ట్ కలెక్షన్స్ పై క్రేజీ అప్డేట్ వచ్చేసింది. గురువారం విడుదలైన ‘కల్కి‘ సినిమాకి లాంగ్ వీకెండ్ కలిసి వచ్చింది. గురు, శుక్ర, శని, ఆదివారాలు కలుపుకుని మొత్తంగా నాలుగు రోజులకు రూ.555 కోట్లు వసూలు చేసింది. ఈ ఫిగర్ ని నిర్మాణ సంస్థ వైజయంతీ మూవీస్ అధికారికంగా ప్రకటించింది.
‘కల్కి‘ సినిమాకి ఇకపై అసలైన పరీక్ష. ఎందుకంటే.. వీకెండ్ కావడంతో కలెక్షన్లకు ఢోకా ఉండదు. అయితే.. సోమవారం నుంచి వర్కింగ్ డేస్. ఈ నేపథ్యంలో.. ‘కల్కి‘కి ఈ వారం ఎలాంటి వసూళ్లు లభిస్తాయనేది ఎంతో ప్రధానం. ఈ వారం వచ్చిన వసూళ్లను బట్టే.. లాంగ్ రన్ లో ‘కల్కి‘ ఎలాంటి కలెక్షన్స్ కొల్లగొడుతోంది అనే దానిపై క్లారిటీ వచ్చే అవకాశం ఉంది. ఇక.. విడుదల తర్వాత ఎలాంటి పబ్లిసిటీ ఈవెంట్స్ నిర్వహించలేదు టీమ్. మరి.. త్వరలోనే ఈ మూవీ గురించి ఏమైనా సక్సెస్ మీట్స్ నిర్వహిస్తారేమో చూడాలి.
