గ్లోబల్ స్టార్ రామ్‌చరణ్ ‘గేమ్ ఛేంజర్’ వైజాగ్ కి షిప్టైంది. ‘గేమ్ ఛేంజర్’ షూట్ కోసం చరణ్ వైజాగ్ ఎయిర్‌పోర్టులో ల్యాండైన విజువల్స్ సోషల్ మీడియాని షేక్ చేస్తున్నాయి. ఇక.. నిన్నటివరకూ రాజమండ్రి పరిసర ప్రాంతాల్లో ఈ సినిమాలోని కొన్ని ప్రధాన సన్నివేశాలను చిత్రీకరించాడు డైరెక్టర్ శంకర్. ఇక.. లేటెస్ట్ గా వైజాగ్ లోనూ కొన్ని రోజుల పాటు కీలక సన్నివేశాల చిత్రీకరణ జరగనుందట. ఈ షెడ్యూల్ లో చరణ్ తో పాటు ఎస్.జె.సూర్య, సునీల్ వంటి వారు పాల్గొనబోతున్నట్టు తెలుస్తోంది.
స్టార్ ప్రొడ్యూసర్ దిల్ రాజు తన శ్రీ వెంకటేశ్వర క్రియేషన్స్ బ్యానర్ లో 50వ చిత్రంగా ఎంతో ప్రతిష్ఠాత్మకంగా ‘గేమ్ ఛేంజర్’ను నిర్మిస్తున్నాడు. ఈ సినిమాలో చరణ్ కి జోడీగా కియారా అద్వానీ, అంజలి నటిస్తున్నారు. తమన్ సంగీతాన్ని సమకూరుస్తున్న ఈ మూవీ నుంచి ఇప్పటికే ‘జరగండి జరగండి’ అనే పాట వచ్చింది.
ఆద్యంతం శంకర్ స్టైల్ లో ఎంతో భారీగా తెరకెక్కిన ఈ లిరికల్ సాంగ్ కు మంచి రెస్పాన్స్ వచ్చింది. మొత్తంమీద.. ఈ ఏడాది అక్టోబర్ లేదా నవంబర్ లో ‘గేమ్ ఛేంజర్’ను విడుదల చేయడానికి సన్నాహాలు చేస్తున్నాడు డైరెక్టర్ శంకర్.
