వెంకటేష్ 75వ చిత్రం ‘సైంధవ్’. తన ప్రెస్టేజియస్ 75వ సినిమా ‘సైంధవ్’ కోసం వైవిధ్యభరితమైన కథాంశాన్ని ఎంచుకున్నాడు వెంకీ. ‘హిట్’ సిరీస్ తో డైరెక్టర్ గా తన విలక్షణతను చాటుకున్న శైలేష్ కొలను దర్శకత్వంలో ఈ చిత్రాన్ని చేస్తున్నాడు. ఇప్పటికే ‘సైంధవ్’ నుంచి టీజర్ రిలీజయ్యింది. క్రైమ్ థ్రిల్లర్ బ్యాక్ డ్రాప్ లో రాబోతున్న ఈ మూవీ టీజర్ కి మంచి రెస్పాన్స్ దక్కింది.
సంక్రాంతి కానుకగా జనవరి 13న ‘సైంధవ్’ రిలీజ్ డేట్ కన్ఫమ్ చేసుకుంది. దీంతో మరోసారి విడుదల తేదీని గుర్తు చేస్తూ.. వెంకీ 75 కి ఇంక కేవలం 75 రోజులు మాత్రమే ఉందంటూ ఓ స్పెషల్ పోస్టర్ రిలీజ్ చేసింది టీమ్. అలాగే సంతోష్ నారాయణన్ సంగీతాన్ని సమకూరుస్తున్న ‘సైంధవ్’ నుంచి త్వరలోనే ఫస్ట్ సింగిల్ రాబోతున్నట్టు పోస్టర్ లో తెలిపారు.
బాలీవుడ్ స్టార్ నవాజుద్దీన్ సిద్ధిఖీ ఈ సినిమాలో ప్రతినాయకుడిగా కనిపించబోతున్నాడు. ఆర్య, శ్రద్ధా శ్రీనాథ్, రుహాని శర్మ, ఆండ్రియా జెరెమియా, బేబీ సారా, జయప్రకాష్‌ వంటి భారీ తారాగణం ఈ చిత్రంలో నటిస్తుంది. నిహారిక ఎంటర్ టైన్ మెంట్ బ్యానర్ పై వెంకట్ బోయనపల్లి ఈ చిత్రాన్ని నిర్మిస్తున్నారు.