ఓటిటి ప్లాట్ ఫామ్ ఆహాలో మోస్ట్ అవెయిటెడ్ షో గా ఉన్న అన్ స్టాపబుల్ ప్రభాస్ ఎపిసోడ్ వచ్చేసింది. అయితే స్ట్రీమింగ్ మొదలైన అరగంటకే ఓటిటి ప్లాట్ ఫామ్ క్లాష్ అయింది. ఈ షోకు ఎంత డిమాండ్ ఉందో అందరికంటే ఎక్కువగా ఆహా టీమ్ కే తెలుసు. అయినా ఆ మేరకు వ్యూయింగ్ ఫెసిలిటీ క్రియేట్ చేయకుండా వదిలేశారు. ఇంకా చెబితే వారి షో గురించి వారికే ఏ మాత్రం అవగాహన, అంచనా లేదు అని ఖచ్చితంగా చెప్పొచ్చు. అలాంటి ఏర్పాటు చేయకపోవడం వల్ల.. ఈ షోను ఊహించినదానికంటే చాలా చాలా ఎక్కువమంది చూడడానికి రావడంతో మొత్తం షో క్లాష్ అయింది. ఇది పూర్తిగా ఆహా వారి టెక్నికల్ టీమ్ తప్పిదం. ఆ తప్పిదాన్పి కప్పి పుచ్చుకుంటూ నెపం మొత్తం ప్రభాస్ ఫ్యాన్స్ పై వేసి చేతులు దులుపుకుందాం అని చూశారు. కానీ ఈ ప్రాబ్లమ్ కు కారణం ఏంటో అందరికీ తెలుసు కదా.. అందుకే ఇప్పుడు అంతా ఆహా టీమ్ ను తెగ తిడుతున్నారు.
