ఒకే వారం నాలుగు సినిమాలు విడుదల కావడం కొత్తేం కాదు. ఆ మాటకొస్తే కొత్తవాళ్ల సినిమాలైతే అరడజనుకు పైగా సినిమాలు వచ్చిన సందర్భాలు కూడా చాలానే ఉన్నాయి. కాకపోతే కాస్త క్రేజ్ ఉన్న సినిమాలు వస్తే అందరికీ తలా ఇంత అవుతుంది. అప్పుడు ఎవరూ హ్యాపీగా ఉండలేరు అనేది సినిమా ట్రేడ్ థియరీ. అయినా వీళ్లు ఆగరు. కొన్ని డేట్స్ పోతే దొరకవు. మరికొన్ని డేట్స్ వదులుకుంటే కష్టం అవుతుంది. అందుకే ఒక్కోసారి పోలోమని ఒకే డేట్ పై పడుతుంటారు. అలా ఇప్పుడు సడెన్ గా యంగ్ స్టర్స్ అంతా సెప్టెంబర్ 28ని సెలెక్ట్ చేసుకున్నారు. ఆ డేట్ లో రావాల్సిన సలార్ వాయిదా పడింది అని ఎప్పుడైతే వార్తలు వచ్చాయో.. వెంటనే తమ సినిమాలను ఆ డేట్ లో రిలీజ్ చేస్తున్నట్టు ఒకరి తర్వాత ఒకరు అనౌన్స్ చేస్తున్నారు. విశేషం ఏంటంటే.. కేవలం రెండు డబ్బింగ్ సినిమాలతో మాత్రమే పోటీ ఉన్న స్కంద కూడా నాలుగు సినిమాలతో పోటీ అంటూ సెప్టెంబర్ 28కి షిఫ్ట్ అయింది. మామూలుగా సెప్టెంబర్ 15నే ఈ చిత్రం విడుదల కావాల్సి ఉంది.
28న వస్తోన్న మరో క్రేజీ మూవీ మ్యాడ్. హారిక హాసిని నుంచి మరో కొత్త బ్యానర్ రూపొందింది. ఆ బ్యానర్ లో వస్తోన్న ఫస్ట్ మూవీ ఇది. అంతా కొత్తవాళ్లే నటించిన ఈ మూవీ టీజర్ కు హిలేరియస్ రెస్పాన్స్ వచ్చింది. అయితే కంప్లీట్ యూత్ ఫుల్ ఎంటర్టైనర్ లా కనిపిస్తోంది.
ఇక ఒక్క హిట్ తో వరుస సినిమాలు చేస్తోన్న కిరణ్ అబ్బవరం కూడా అదే డేట్ లో వస్తున్నాడు. నేహాశెట్టి హీరోయిన్ గా నటించిన ఈ చిత్రం రూల్స్ రంజన్. ఈ సినిమానుంచి వచ్చిన ఒక పాట విపరీతంగా ఆకట్టుకుంటోంది. ఈ శనివారం ట్రైలర్ విడుదల చేయబోతున్నారు. ఇప్పటి వ