తెలుగులో వరుస సినిమాలతో దూకుడుమీదున్న పీపుల్ మీడియా ఫ్యాక్టరీ నుంచి రాబోతున్న చిత్రం ‘నరుడి బ్రతుకు నటన‘. శివ కుమార్ రామచంద్రవరపు, నితిన్ ప్రసన్న, శృతి జయన్, ఐశ్వర్యా అనిల్ కుమార్, వైవా రాఘవ ఈ చిత్రంలో ప్రధాన పాత్రలు పోషించారు. రిషికేశ్వర్ యోగి తెరకెక్కించిన ఈ చిత్రానికి టీజీ విశ్వ ప్రసాద్, సుకుమార్ బొరెడ్డి, డా. సింధు రెడ్డి నిర్మాతలుగా వ్యవహరిస్తుండగా.. వివేక్ కూఛిబొట్ల గారు సహా నిర్మాతగా వ్యవహరిస్తున్నారు.
విడుదలకు ముందే దాదాపు అరవైకి పైగా అంతర్జాతీయ అవార్డులను గెలుచుకుంది ‘నరుడి బ్రతుకు నటన‘ చిత్రం. ఈ మూవీ షూటింగ్ అంతా కేరళలో పూర్తిచేశారట. తాజాగా.. ‘నరుడి బ్రతుకు నటన‘ గ్లింప్స్ రిలీజ్ చేసింది టీమ్. కేరళలోని అందమైన లొకేషన్స్ లో చిత్రీకరించిన ఈ మూవీ గ్లింప్స్ ఆకట్టుకుంటుంది. ఏప్రిల్ 26న ఈ చిత్రాన్ని విడుదల చేయడానికి సన్నాహాలు చేస్తున్నారు
