నీ శతృవు ఎవరో తెలిస్తేనే నీ బలమెంత అనేది తెలుస్తుంది. నీ అసలు రూపంచూపించు.. నీ శతృవు ఎవరో చెబుతాను.. ఇవీ రామ్ చరణ్‌ హీరోగా వచ్చిన ధృవ సినిమాలోని ప్రధామైన డైలాగ్స్. అఫ్‌ కోర్స్ ఇంకా చాలా డైలాగ్స్ ఉన్నా.. కథ ఈ రెండు డైలాగ్స్ పైనే డిపెండ్ అయి ఉంటుంది. ఇప్పుడు ఈ సినిమాకు సీక్వెల్ రాబోతోంది.
ఆ సీక్వెల్ లోని డైలాగే ఇది.. ” శతృవు ఎవరో తెలియకుండా ఆయుధం తీయకూడదు.. ” ఇదీ డైలాగ్. అంటే శతృవు ఎంత పెద్దవాడో తెలిస్తే దాన్ని బట్టే ఆయుధం వాడాలి అనేది హీరో మిత్రన్ ఆలోచన. సడెన్ గా హీరో మిత్రన్ ఎవరూ అనిపిస్తోంది కదూ.. యస్.. ఈ మూవీకి సీక్వెల్ వస్తుంది. కానీ తెలుగులో కాదు.
దాని ఒరిజినల్ అయిన తమిళ్ లో. తమిళ్ లో ‘తనీ ఒరువన్’ అనే టైటిల్ తో 2015లో జయం రవి, నయనతార, అరవింద్ స్వామి ప్రధాన పాత్రల్లో రూపొందిన ఈ చిత్రానికి జయం రవి అన్న మోహన్ రాజా దర్శకుడు. ఈ చిత్రాన్ని తెలుగులో అచ్చంగా సురేందర్ రెడ్డి డైరెక్షన్ లో ధృవ పేరుతో మక్కీకి మక్కీ రీమేక్ చేసి ఇక్కడా సూపర్ హిట్ కొట్టారు. ఈ సినిమాలో హీరో, విలన్ మధ్య జరిగే గేమ్ నెక్ట్స్ లెవల్ లో ఉంటుంది. సినిమా కంటెంట్ కూడా బలమైనదే.
ఇక ఇప్పుడీ తనీ ఒరువన్ కు సీక్వెల్ మొదలుపెట్టారీ అన్నదమ్ములు. ఈ మేరకు ఒక వీడియో అనౌన్స్ మెంట్ కూడా ఇచ్చారు. లేటెస్ట్ గా చెన్నైలో తనీ ఒరువన్ సినిమా షో వేశారు. ఆ తర్వాతే ఈ వీడియోను కూడా ప్రదర్శించి సీక్వెల్ ను అనౌన్స్ చేశారు. ఈ వీడియో చూస్తే దర్శకుడు మోహన్ రాజా ల్యాప్ టాప్ పై వర్క్ చేసుకుంటూ ఒక్కో సీన్ అనుకుంటుంటాడు.
ఆ సీన్ లోని హీరో మిత్రన్( తనీ ఒరువన్ లో హీరో పేరు ఇదే) వస్తాడు. తను రాసే దాన్ని బట్టి ఒక గన్ తీసుకుంటాడు. ఇతను రాసింది చెరిపేసి పెద్ద గన్ అని రాస్తాడు. అతనూ ఆ పిస్టల్ ను అక్కడ పెట్టి పెద్ద గన్ తీసుకుంటాడు. ఆ తర్వాత మళ్లీ చెరిపేసి.. నిజమైన హీరో శతృవు ఎవరో తెలియకుండా ఆయుధాన్ని తీయ�