కొంతమంది తారలు తొలి సినిమా విడుదల కాకుండానే వరుస అవకాశాలు అందిపుచ్చుకుంటారు. ఆకోవలోకే వస్తోంది పూణె బ్యూటీ భాగ్యశ్రీ బోర్సే. అంతకుముందు బాలీవుడ్ లో ‘యారియానా 2’లో మెరిసిన భాగ్యశ్రీని.. ఏరికోరి ‘మిస్టర్ బచ్చన్’ కోసం ఎంచుకున్నాడు డైరెక్టర్ హరీష్ శంకర్. ఈ సినిమాలో మాస్ మహారాజ రవితేజకి జోడీగా తెలుగు ప్రేక్షకుల్ని పలకరించబోతుంది. ఇప్పటికే ఈ మూవీ నుంచి రిలీజైన పోస్టర్స్ తో కుర్రాకారుకి హాట్ ఫేవరెట్ గా మారిపోయింది. భాగ్యశ్రీ.
![](https://telugu70mm.com/wp-content/uploads/cwv-webp-images/2024/06/Snapinsta.app_429707424_343764208649154_1419348218460512516_n_1024.jpg.webp)
‘మిస్టర్ బచ్చన్’ విడుదలకాకుండానే ఈ అమ్మడు తెలుగులో వరుస అవకాశాలు అందుకుంటుందట. వాటిలో ఒకటి విజయ్ దేవరకొండ-గౌతమ్ తిన్ననూరి చిత్రం. సితార ఎంటర్ టైన్ మెంట్స్ నిర్మిస్తున్న ఈ సినిమాలో తొలుత శ్రీలీల ను హీరోయిన్ గా తీసుకున్నారు. ఆ తర్వాత ఈ ప్రాజెక్ట్ నుంచి శ్రీలీల తప్పుకుంది. ఆ స్థానంలో భాగ్యశ్రీని తీసుకున్నారట. ఇప్పటికే ఈ సినిమా చిత్రీకరణ దశలో ఉంది.
![](https://telugu70mm.com/wp-content/uploads/cwv-webp-images/2024/06/Snapinsta.app_446118922_997755665041345_7700037155242780769_n_1024.jpg.webp)
ఇక.. మలయాళీ స్టార్ దుల్కర్ సల్మాన్ హీరోగా నటించే సినిమాలోనూ భాగ్యశ్రీ హీరోయిన్ గా ఎంపికైందట. నానితో ‘దసరా’ చిత్రాన్ని నిర్మించిన ఎస్.ఎల్.వి. సినిమాస్ ఈ మూవీని నిర్మించబోతున్నట్టు తెలుస్తోంది. త్వరలోనే.. భాగ్యశ్రీ నటించే అప్ కమింగ్ మూవీస్ కి సంబంధించి అఫీషియల్ అనౌన్స్ మెంట్స్ రానున్నాయట.