శివ భక్తుడు కన్నప్ప కథాంశంతో రూపొందుతోన్న బడా మల్టీస్టారర్ ‘కన్నప్ప‘. మంచు విష్ణు టైటిల్ రోల్ లో కనిపిస్తూ ఈ చిత్రాన్ని అత్యంత భారీ బడ్జెట్ తో నిర్మిస్తున్నాడు. ముకేష్ కుమార్ సింగ్ దర్శకత్వం వహిస్తున్న ఈ మూవీలో ప్రభాస్, మోహన్ లాల్, అక్షయ్ కుమార్, మోహన్ బాబు వంటి స్టార్స్ నటిస్తున్నారు. ఇక.. ఆమధ్య కేన్స్ ఫిల్మ్ ఫెస్టివల్ లో ఈ చిత్రం టీజర్ ను ప్రత్యేకంగా ప్రదర్శించారు. టీజర్ కు.. కేన్స్ ఫెస్టివల్ లో మంచి స్పందన దక్కిందని విష్ణు స్వయంగా ప్రకటించాడు.
ఇప్పుడు ‘కన్నప్ప‘ టీజర్ ను అందరూ వీక్షించే సమయం వచ్చింది. జూన్ 14న ఈ సినిమా టీజర్ ను విడుదల చేయబోతున్నట్టు అధికారికంగా ప్రకటించింది టీమ్. టీజర్ అనౌన్స్ మెంట్ పోస్టర్ లో విష్ణు లుక్ ఆకట్టుకుంటోంది. గ్రాండ్యుయర్ విజువల్స్ తో ఈ సినిమాని రూపొందిస్తున్నట్టు ఈ పోస్టర్ ను చూస్తే అర్థమవుతోంది.
