15యేళ్ల క్రితం.. అంటే 2008 సెప్టెంబర్ 5న.. నటన నా రక్తంలోనే ఉందంటూ తెలుగు తెరపై వారసులంతా ఓ రేంజ్ లో రెచ్చిపోతోన్న టైమ్ లోనే ఓ కుర్రాడు తెలుగు తెరకు పరిచయం అయ్యాడు. పేరు నాని. సినిమా పేరు అష్టాచెమ్మా.
ఏ బ్యాక్ గ్రౌండ్ లేదు. ఎవరో కూడా తెలియదు. బట్ ఫస్ట్ మూవీతోనే బెస్ట్ ఇంప్రెషన్ వేశాడు. ఇతనేంటీ ఇంత బాగా నటించాడు అనిపించుకున్నాడు అని అతని తండ్ర, తాతల గురించి ఆరాలు తీశారు. అతను తప్ప ఇండస్ట్రీలో ఎవరూ లేరు. అయినా ఇంత బాగా ఎలా నటించాడా అనుకున్నారు.
అందుకు కారణం.. అతను అంతకు ముందే అసిస్టెంట్ డైరెక్టర్. ఏ సీన్ కు ఏ ఎక్స్ ప్రెషన్ అయితే అచ్చంగా సరిపోతుందో అవగాహన ఉన్నవాడు. అసిస్టెంట్ గా ఉన్నప్పుడే అతనిలోనూ ‘యాక్టర్’ను చూసిన మొదటి దర్శకుడు ఇంద్రగంటి మోహన కృష్ణ. అలా అష్టాచెమ్మా లాంటి సినిమాతో మొదలైన అతని ప్రస్థానం అతి తక్కువ సమయంలోనే ” సహజ నటుడు” అనే పెద్ద ట్యాగ్ వేసుకుంది.
ఆ నేచురల్ స్టార్ ఆ తర్వాత ఆల్ టాప్ స్టార్ ఫ్యామిలీస్ కీ ఫేవరెట్ హీరో అయ్యాడు. తెలుగు సినిమా రహదారిపై రైడ్ చేస్తూ.. తెలుగు హీరోల జట్టులో తనూ స్థానం సంపాదించిన అతను హీరోగా కెరీర్ ను అనుకోకుండా మొదలుపెట్టినా.. అలా మొదలైంది తర్వాత చాలా సీరియస్ గా సాగింది. వైవిధ్యమైన కథలు ఎంచుకున్నాడు. అప్పటికే నేచురల్ స్టార్ అన్న ట్యాగ్ వచ్చింది. అందుకు కారణం తను చూడగానే పక్కింటి కుర్రాడిలా కనిపిస్తాడు.
తన కథలు కూడా అలాగే ఉండేలా �