తెలుగు చిత్ర పరిశ్రమలో విజయం సాధించేందుకు కొంతమంది సంవత్సరాల తరబడి ఎదురుచూస్తుంటారు. అలాంటి వారిలో యువ హీరో హవీష్ ఒకడు. కె.ఎల్. యూనివర్శిటీ పెద్ద విద్యాసంస్థలు నడుపుతున్న కోనేరు సత్యనారాయణ తనయుడు హవీష్. అయినా.. సినిమాలపై ఉన్న ఫ్యాషన్ తో ఈ రంగంలో హీరోగా ఎదగాలనే తాపత్రయంతో ఉన్నాడు. ఇప్పటికే ‘నువ్విలా, జీనియస్, రామ్ లీల, సెవెన్’ వంటి సినిమాల్లో నటించిన హవీష్.. లేటెస్ట్ గా ‘యస్ బాస్’ అనే సినిమాతో ప్రేక్షకుల ముందుకు వస్తున్నాడు.
ఈ చిత్రానికి ‘పిల్లజమీందర్, భాగమతి’ ఫేమ్ జి.అశోక్ దర్శకత్వం వహిస్తున్నాడు. పూర్తిస్థాయి కమర్షియల్ ఎంటర్ టైనర్ గా ఈ సినిమా రాబోతుందట. ఇప్పటికే చిత్రీకరణ పూర్తిచేసుకున్న ఈ మూవీ ప్రేక్షకులను మెప్పిస్తుందనే ఆశాభావంతో ఉన్నాడు హవీష్. లేటెస్ట్ గా హవీష్ బర్త్ డే స్పెషల్ గా ‘యస్ బాస్’ ఫస్ట్ లుక్ పోస్టర్ రిలీజయ్యింది.
