ఒకప్పుడు యాక్షన్ కింగ్ గా మాస్ లో మంచి ఫాలోయింగ్ తెచ్చుకున్న హీరో అర్జున్.కొన్నాళ్లుగా క్యారెక్టర్ ఆర్టిస్ట్ గా విలన్ గానూ నటిస్తున్నాడు. ముఖ్యంగా విలన్ చేస్తున్నప్పుడు ఆయన ఎంచుకునే సినిమాలు బాగా ఆకట్టుకుంటున్నాయి. ఈ క్రమంలో విజయ్ హీరోగా లోకేష్ కనకరాజ్ డైరెక్షన్ లో రూపొందుతున్న లియో లో ఓ విలన్ గా నటించాడు.
ఇవాళ అతని బర్త్ డే సందర్భంగా మూవీ టీమ్ ఒక వీడియోను విడుదల చేసింది. ఈ వీడియో చూస్తే విక్రమ్ సినిమాలో రోలెక్స్ ఎంట్రీ గుర్తొస్తుంది. చుట్టూ పదుల సంఖ్యలో విలన్స్ ఉన్నారు. వారి మధ్యలోకి వచ్చిన అర్జున్ అప్పటికే అక్కడ సిద్ధంగా ఉన్న ఒక వ్యక్తి చేతులు నరికేస్తాడు. ఇది చూడగానే అతను ఓ పవర్ ఫుల్ విలన్ గా నటిస్తున్నాడు అని అర్థం అవుతుంది.
లియో లో మెయిన్ విలన్ గా సంజయ్ దత్ నటించాడు. అతని పాత్ర పేరు ఆంటోనీ దాస్. అతని తమ్ముడుగా అర్జున్ కనిపించబోతున్నాడు. ఈ పాత్ర పేరు హరాల్డ్ దాస్. ఈ ఆంటోనీ, హరాల్డ్ ల అరాచకాలను తిప్పి కొట్టే యోధుడుగా విజయ్ నటించాడన్నమాట. విజయ్ కి జోడీగా త్రిష నటించిన ఈ చిత్రం అక్టోబర్ 19న విడుదల కాబోతోంది. ఇక అర్జున్ వీడియో చూస్తే లోకేష్ మరోసారి తనదైన మ్యాజిక్ చేయబోతున్నాడు అనిపిస్తోందంటూ కామెంట్స్ చేస్తున్నారు నెటిజన్స్.
