చిన్న సినిమా అయినా పెద్ద సినిమా అయినా ప్రమోషన్స్ లో వెనకబడితే కలెక్షన్స్ లో సైతం వెనకబడినట్టే. పైగా కాంపిటీషన్ హెవీగా ఉన్నప్పుడు కంటెంట్ ఎంత బలంగా ఉన్నా.. దాన్ని జనాల్లోకి తీసుకువెళ్లడానికి రిలీజ్ కు చాలా రోజుల ముందు నుంచే ప్లాన్ చేసుకోవాలి. అప్పుడే ఆడియన్స్ లో ఆ మూవీ నాటుకుపోతుంది. లేదంటే బాక్సాఫీస్ బరిలో తేలిపోతుంది. ఇప్పుడున్న సిట్యుయేషన్ లో సంక్రాంతి వార్ పైనే అందరి దృష్టీ ఉంది. ఆ మేరకు ఆల్రెడీ రిలీజ్ కాబోతోన్న సినిమాల డేట్స్ కూడా వచ్చాయి. బాలకృష్ణ వీరసింహారెడ్డి, విజయ్ వారసుడు జనవరి 12న వస్తున్నాయి. ఆ నెక్ట్స్ డే మెగాస్టార్ వాల్తేర్ వీరయ్య ఉంది. అయితే బాలయ్యతో పోలిస్తే మిగతా రెండు సినిమాలకు సంబంధించిన సందడి అస్సలు కనిపించడం లేదు.
