మెగా ఫ్యామిలీలో స్టెడీ హిట్స్ తో దూసుకెళ్తున్న హీరో సాయిధరమ్ తేజ్. గతేడాది ‘విరూపాక్ష, బ్రో’ సినిమాలతో రెండు బ్యాక్ టు బ్యాక్ హిట్స్ అందుకున్నాడు సాయి. యాక్సిడెంట్ నుంచి కోలుకున్న తర్వాత సాయిధరమ్ కి దక్కిన విజయాలివి. ఆ తర్వాత సితార ఎంటర్ టైన్‌మెంట్స్ లో సంపత్ నంది దర్శకుడిగా ‘గాంజా శంకర్’ను అనౌన్స్ చేశాడు. ఈ సినిమా నుంచి క్యారెక్టర్ గ్లింప్స్ కూడా రిలీజయ్యింది. అయితే.. కొన్నాళ్లుగా ఈ మూవీ గురించి ఎలాంటి అప్డేట్ లేదు. ‘గాంజా శంకర్’ సాయిధరమ్ నటించే 17వ సినిమా.
ఇక.. లేటెస్ట్ గా తన 18వ సినిమాని అనౌన్స్ చేశాడు సాయి. ‘హనుమాన్’తో బ్లాక్‌బస్టర్ అందుకున్న నిర్మాత నిరంజన్ రెడ్డి ఈ చిత్రాన్ని నిర్మిస్తున్నారు. ఈ మూవీతో రోహిత్ కె.పి. దర్శకుడిగా పరిచయమవుతున్నాడు. ‘ఎస్.డి.టి-18’ మూవీని అనౌన్స్ చేస్తూ పోస్టర్ రిలీజ్ చేసింది టీమ్. ఈ సినిమాకోసం ఓ కొత్త ప్రపంచాన్ని ఆవిష్కరించేలా ఈ పోస్టర్ ఉంది. ఈ సినిమా షూటింగ్ మొదలయ్యింది.
