సినిమా సినిమాకి కథల ఎంపికలో ఎంతో వైవిధ్యాన్ని చూపిస్తుంటాడు కళ్యాణ్ రామ్. ‘బింబిసార, అమిగోస్, డెవిల్‘ వంటి విభిన్న కథా చిత్రాల తర్వాత.. తాజాగా కొత్త సినిమాని ప్రకటించాడు. కళ్యాణ్ రామ్ 21వ చిత్రంగా తెరకెక్కుతోన్న ఈ మూవీ అనౌన్స్ మెంట్ గ్లింప్స్ ను.. నటరత్న ఎన్టీఆర్ జయంతి సందర్భంగా విడుదల చేశారు.
ఫిస్ట్ ఆఫ్ ఫ్లేమ్ అంటూ రిలీజ్ చేసిన ఈ వీడియోలో కళ్యాణ్ రామ్ సరికొత్త మేకోవర్ తో కనిపిస్తున్నాడు. ఈ చిత్రానికి ప్రదీప్ చిలుకూరి దర్శకత్వం వహిస్తుండగా అశోక్ వర్ధన్ ముప్పా, సునీల్ బలుసు సంయుక్తంగా నిర్మిస్తున్నారు. ‘కాంతార, విరూపాక్ష‘ ఫేమ్ అజనీష్ లోకనాథ్ ఈ సినిమాకి సంగీతాన్ని సమకూరుస్తున్నాడు. ప్రస్తుతం ఈ చిత్రం షూటింగ్ దశలో ఉంది.
