బాలీవుడ్ సీనియర్ హీరోస్ లో ఒక్క షారుక్ తప్పితే.. మిగతా వాళ్లంతా వరుస ఫ్లాపులతో సతమతమవుతున్నారు. ఈ లిస్టులో కండలవీరుడు సల్మాన్ ఖాన్ కూడా ఉన్నాడు. గత ఏడాది ఎన్నో అంచనాలతో వచ్చిన ‘కిసీ కా భాయ్ కిసీ కీ జాన్, టైగర్ 3’ చిత్రాలు ఆశించిన విజయాలు సాధించలేదు. దాంతో.. ఇప్పుడు తన ఆశలన్నీ అప్ కమింగ్ మూవీ ‘సికందర్’పైనే పెట్టుకున్నాడు.
‘సికందర్’ చిత్రానికి ఏ.ఆర్.మురుగదాస్ దర్శకుడు. గతంలో అమీర్ ఖాన్ కి ‘గజిని’ వంటి మెమరబుల్ హిట్ అందించాడు మురుగదాస్. ఆ తర్వాత అక్షయ్ తో ‘తుపాకీ’ రీమేక్ ‘హాలిడే.. ఎ సోల్జర్ ఈజ్ నెవర్ ఆఫ్ డ్యూటీ’ని తెరకెక్కించాడు. ఇప్పుడు మరోసారి బాలీవుడ్ లో బడా హీరో సల్మాన్ తో సినిమా చేయడానికి రెడీ అవుతున్నాడు. 2025, ఈద్ కానుకగా సల్మాన్-మురుగదాస్ చిత్రం విడుదలకానుందట. సాజిద్ నదియడ్ వాలా నిర్మాణంలో రూపొందే ఈ సినిమాలో రష్మిక నాయికగా నటించనున్నట్టు బీటౌన్ టాక్.
ఇక.. ‘సికందర్’ సినిమాని ఆద్యంతం ఓ హై వోల్టేజ్ యాక్షన్ ఎంటర్ టైనర్ గా తెరకెక్కించనున్నాడట మురుగదాస్. ఈ సినిమాకోసం 33 వేల అడుగుల ఎత్తులో యాక్షన్ సీక్వెన్సెస్ ప్లాన్ చేస్తున్నారట. త్వరలోనే.. ‘సికందర్’పై అధికారిక ప్రకటన రానున్నట్టు తెలుస్తోంది.
