శ్రీ అన్నపూర్ణ క్రియేషన్స్ పతాకం పై తల్లాడ సాయికృష్ణ దర్శకత్వం చేస్తూ హీరో గా నటిస్తున్న చిత్రం “నమస్తే సేట్ జీ”.స్వప్న చౌదరి, సాయి కృష్ణ, శోభన్ భోగరాజు , చింతల శ్రీనివాస్ లు ముఖ్య పాత్రలో నటిస్తున్న ఈ సినిమా కి తల్లాడ శ్రీనివాస్ నిర్మాత.విడుదల కి సిద్ధంగా ఉన్న ఈ సినిమా సెన్సార్ పూర్తి చేసుకుంది. క్లీన్ “యూ” సర్టిఫికెట్ ని పొంది సెన్సార్ సభ్యుల ప్రశంసలు సైతం అందుకుంది.ఈ సందర్భంగా డైరెక్టర్ హీరో తల్లాడ సాయి కృష్ణ మాట్లాడుతూ “మేము చేసిన కష్టానికి ఫలితం ఈ సినిమా ద్వారా త్వరలో రాబోతుంది. 

సెన్సార్ సభ్యులు సైతం సినిమా బాగుంది అని మెచ్చుకున్నారు, సింగిల్ కట్ లేకుండా క్లీన్ యూ సర్టిఫికెట్ రావడం చాలా సంతోషంగా ఉంది, తెలుగు ప్రేక్షకులకు, కిరాణా షాప్ లో పని చేసే వ్యాపారస్తులకు ఖచ్చితంగా  ఈ చిత్రం నచ్చుతుంది.ప్రముఖ లిరిసిస్ట్ చింతల శ్రీనివాస్, సంధ్య వర్శిని రచించిన పాటలు, వి.ఆర్.ఏ ప్రదీప్ అందించిన పాటలు, మా రామ్ తవ్వ అందించిన నేపథ్య సంగీతం ఇలా చెప్పుకుంటూ పోతే సినిమాలో పలు అంశాలు అందరిని మెప్పిస్తాయి.త్వరలో ట్రైలర్ రిలీజ్ చేసి, సినిమా విడుదల తేదీని ప్రకటిస్తాం అని అన్నారు.

, , , , , ,