మెగా పవర్ స్టార్ రామ్ చరణ్ దూకుడుగా ఉన్నాడు. వరుస సినిమాలతో దూసుకుపోతున్నాడు. ఇప్పటికే అతను రెండు సినిమాలు కంప్లీట్ చేసి ఉన్నాడు. వీటిలో ఆర్ఆర్ఆర్ జనవరి 7న విడుదల కాబోతోంది. రాజమౌళి డైరెక్షన్ లో వస్తోన్న ఈ చిత్రంపై భారీ అంచనాలున్నాయి. మొదటిసారిగా ఎన్టీఆర్ తో కలిసి స్క్రీన్ షేర్ చేసుకున్నాడు చరణ్. అటుపై కొరటాల శివ దర్శకత్వంలో చేసిన ఆచార్య ఫిబ్రవరి 4న విడుదల కాబోతోంది. ఈ మూవీ కూడా మెగాస్టార్ తో కలిసి నటించిన సినిమానే. తండ్రి కొడుకు కలిసి ఫస్ట్ టైమ్ రెండు బలమైన పాత్రల్లో కనిపించడం ఇదే. అందువల్ల ఈ చిత్రంపైనా భారీ అంచనాలే ఉన్నాయి. ఫిబ్రవరిలో ఆచార్య వస్తే 2022లో మరో సినిమా కూడా విడుదల చేసే అవకాశం ఉంది అనుకున్నారు చాలామంది. కానీ ఈ విషయంలో అభిమానులను నిరాశపరిచే వార్త ఒకటి వినిపిస్తోంది.
ప్రస్తుతం రామ్ చరణ్ ఇండియాస్ బిగ్ డైరెక్టర్స్ లో ఒకడైన శంకర్ తో సినిమా చేస్తున్నాడు. శంకర్ ఓ తెలుగు హీరోతో సినిమా చేయడం ఇదే ఫస్ట్ టైమ్. దిల్ రాజు నిర్మిస్తోన్న ఈ చిత్రం శరవేగంగా చిత్రీకరణ జరుపుకుంటోంది. అందుకే ఈ మూవీని 2022 దసరాకు విడుదల చేయొచ్చు అనే ప్రచారం జరిగింది. కానీ లేటెస్ట్ గా వినిపిస్తోన్న వార్తల ప్రకారం శంకర్ – చరణ్ సినిమా 2023లోనే విడుదలవుతుందంటున్నారు. అలాగని మరీ ఎక్కువ టైమ్ తీసుకోకుండా 2023 సంక్రాంతికి విడుదల చేయాలనుకుంటున్నారట.
కియారా అద్వానీ హీరోయిన్ గా నటిస్తోన్న ఈ మూవీలో రామ్ చరణ్ ఓ పవర్ ఫుల్ బ్యూరోక్రాట్ పాత్రలో కనిపిస్తాడని టాక్. సునిల్ తో పాటు కోలీవుడ్ కు చెందిన చాలామంది నటిస్తోన్న ఈ చిత్రం చరణ్ కెరీర్ లో ఓ మెమరబుల్ మూవీ అవుతుందంటున్నారు. అయితే మరీ విడుదల విషయంలో అంత దూరం వెళ్లడం మాత్రం అభిమానులకు నచ్చడం లేదు. మరీ అంత లేట్ అయితే ఎలా అనుకుంటున్నారాళ్లు.
