Advertisement
మానాడు మాదే అంటోన్న సురేష్ బాబు
Latest Movies Tollywood

మానాడు మాదే అంటోన్న సురేష్ బాబు

Advertisement
టైమ్ ట్రావెలింగ్ కథలతో చాలా సినిమాలు వచ్చాయి. అయితే వాటికి థ్రిల్ ను మిక్స్ చేసి హాలీవుడ్ లో అనేక చిత్రాలు కనిపించాయి. ఇండియాలో ఈ తరహా ప్రయత్నాలు జరగలేదు. జరిగినా చాలా వరకూ బోర్ కొట్టించాయి. కొన్నాళ్ల క్రితం జగపతిబాబు హీరోగా క్లైమాక్స్ లో ఉన్నప్పుడు ఏప్రిల్ ఫూల్ అనే సినిమా వచ్చింది. అది కూడా ఈ తరహా చిత్రమే కానీ.. దర్శకత్వ లోపం మొదటి పది నిమిషాల నుంచే పరమ బోరింగ్ అనిపించుకుందా చిత్రం. రీసెంట్ గా ఇదే పాయింట్ తో తమిళ్ లో వెంకట్ ప్రభు దర్శకత్వంలో శింబు హీరోగా మానాడు అనే సినిమా వచ్చింది. ఈ చిత్రాన్ని తెలుగులోనూ లూప్ పేరుతో విడుదల చేయాలనుకున్నారు. కానీ చివరి నిమిషంలో వాయిదా వేశారు. అందుకు కారణం ఈ మూవీని తెలుగులో రీమేక్ చేయాలనుకోవడమే. ఇక మొన్నటి వరకూ మానాడు రీమేక్ రైట్స్ ను గీతా ఆర్ట్స్ అధినేత అల్లు అరవింద్ తీసుకున్నాడనీ.. అల్లు శిరీష్ తో రీమేక్ చేయబోతున్నాడనే వార్తలు వచ్చాయి. బట్ ఈ రైట్స్ ను లేటెస్ట్ గా సురేష్ ప్రొడక్షన్స్ బ్యానర్ దక్కించుకుంది.
టైమ్ ట్రావెల్ రూపంలో వచ్చిన ఈ మూవీ అద్భుతమైన చిత్రంగా టాప్ రేటింగ్స్ అందుకుంది. శింబు, సూర్య పాత్రలు హైలెట్ గా ఓ రేంజ్ థ్రిల్లర్ గా ఎంటర్టైన్ చేసింది. దాదాపు దశాబ్దం తర్వాత శింబుకు బిగ్గెస్ట్ హిట్ గా నిలిచింది. అలాంటి చిత్రాన్ని రానా హీరోగా రీమేక్ చేస్తారు అంటున్నారు. నిజానికి ఈ మూవీని ఇదే స్క్రిప్ట్ తో కరెక్ట్ గా హ్యాండిల్ చేస్తే ఏ భాషలో అయినా అదే స్థాయిలో విజయం సాధిస్తుంది. నేటివిటీ కోసం మార్పులు అంటూ మొదలుపెడితే మొత్తానికే మోసం వస్తుంది. మరి సురేష్ బాబు రీమేక్స్ ను తీయడంలో ఎక్స్ పర్ట్ కదా.. ఇక ఈ చిత్రాన్ని ఎలా రూపొందిస్తాడో చూడాలి. రీమేక్ లో థియేట్రికల్ రైట్స్ తో పాటు తెలుగు డబ్బింగ్ రైట్స్ ను కూడా తీసుకున్నాడు సురేష్ బాబు. ఏదేమైనా లూప్ గా తెలుగులో వస్తే చూడాలనుకున్న చాలామందికి ఇప్పుడు స్ట్రెయిట్ గానే వస్తోన్న ఈ చిత్రం మనవారికి ఎలాంటి అనుభూతిని ఇస్తుందో చూడాలి.

Advertisement