Advertisement
మ‌హేష్‌, త్రివిక్ర‌మ్ మూవీ సెట్స్ పైకి వ‌చ్చేది ఎప్పుడో తెలుసా.?
Latest Movies Tollywood

మ‌హేష్‌, త్రివిక్ర‌మ్ మూవీ సెట్స్ పైకి వ‌చ్చేది ఎప్పుడో తెలుసా.?

Advertisement

సూపర్ స్టార్ మహేష్ బాబు, మాట‌ల మాంత్రికుడు త్రివిక్రమ్ శ్రీనివాస్ కాంబినేష‌న్లో మూవీ కోసం అభిమానులు ఎప్ప‌టి నుంచో ఎదురు చూస్తున్నారు. గ‌తంలో వీరిద్ద‌రి కాంబినేష‌న్లో అత‌డు, ఖ‌లేజా చిత్రాలు రూపొందాయి. ఈ రెండు చిత్రాలు విశేషంగా ఆక‌ట్టుకున్నాయి. ఆత‌ర్వాత వీరిద్ద‌రూ మ‌ళ్లీ ఓ సినిమా చేయాలి అనుకున్నారు అయితే.. కొన్ని కార‌ణాల వ‌ల‌న సెట్ కాలేదు. ఆఖ‌రికి 11 సంవ‌త్స‌రాల త‌ర్వాత ఇప్పుడు సెట్ అయ్యింది.

ఈ క్రేజీ మూవీ ఎప్పుడో సెట్స్ పైకి రావాలి కానీ.. వాయిదా ప‌డుతూ వ‌చ్చింది. ఈ నెల‌లో సెట్స్ పైకి వెళుతుంది అనుకుంటే.. మ‌హేష్ మోకాలికి స‌ర్జ‌రీ చేయించుకోనున్నాడు. అందుచేత ఐదు నెల‌ల వాయిదా ప‌డ‌నుంద‌ని వార్త‌లు వ‌చ్చాయి. తాజా అప్ డేట్ ఏంటంటే… ఫిబ్రవరి ఫస్ట్ వీక్ నుంచి షూట్ స్టార్ట్ చేస్తారని తెలిసింది. పైగా మొదట ఓ సాంగ్ తో షూట్ స్టార్ట్ చేస్తారని స‌మాచారం. ఈ సాంగ్ ను జానీ మాస్టర్ కంపోజ్ చేస్తున్నార‌ని తెలిసింది.

ప్ర‌ముఖ నిర్మాణ సంస్థ హారిక అండ్ హాసిని క్రియేష‌న్స్ ఈ చిత్రాన్ని నిర్మిస్తుంది. ప్ర‌స్తుతం ఈ సినిమాకి సంబంధించి ప్రీ ప్రొడ‌క్ష‌న్ వ‌ర్క్ జ‌రుగుతుంది. ఇక ఈ సినిమాలో బాలీవుడ్ స్టార్ సంజయ్ దత్ కోసం త్రివిక్రమ్ ఓ కీలక పాత్రను రాశాడని.. అది పక్కా రాజకీయ నాయకుడి పాత్ర అని టాక్ వినిపిస్తోంది. ఇందులో న‌టించే న‌టీన‌టులు ఎవ‌రు అనేది త్వ‌ర‌లోనే ప్ర‌క‌టించ‌నున్నారు. ఈ సినిమాను 2022 ద‌స‌రాకి రిలీజ్ చేయాల‌నేది ప్లాన్.

Advertisement