విరూపాక్ష ఒక్కడే ఆదుకున్నాడు-టాలీవుడ్ ఏప్రిల్ రివ్యూ

ఒక బ్లాక్ బస్టర్ పడగానే ఆ ఊపును తర్వాతి సినిమాలు కూడా కొనసాగిస్తాయని చాలామంది భావిస్తుంటారు. బట్ అలాంటివి చాలా చాలా అరుదుగా కనిపిస్తాయి సినిమా పరిశ్రమలో. అందుకే మన సక్సెస్ రేట్ చాలా తక్కువ. ఈ ఏప్రిల్ లో వచ్చిన సినిమాల్లో విరూపాక్ష తప్ప విజయం అందుకున్న సినిమాలు మరేవీ లేకపోవడం గమనార్హం. ఫస్ట్ వీక్ ఏప్రిల్ 7న వచ్చిన రావణాసుర, మీటర్.. ఒకదాన్ని మించి ఒకటి ఫ్లాప్ అనిపించుకున్నాయి.

ఆ తర్వాతి వారం 14న వచ్చిన శాకుంతలం సినిమా ఫ్లాప్ మాత్రమే కాదు.. అనేక విమర్శలనూ మూటకట్టుకుంది. సమంతతో పాటు దర్శక, నిర్మాత గుణశేఖర్ చాలా అంచనాలు పెట్టుకున్న చిత్రం ఇది. బట్.. వాటిని అందుకోవడంలో మూవీ దారుణంగా ఫెయిల్ అయింది. ఏప్రిల్ 21న విరూపాక్ష వచ్చింది. ప్రమోషన్స్ లేక జనాలకు తెలియలేదు కానీ.. ఈ మూవీతో పాటు అదే రోజు టెన్ రూపీస్, హలో మీరా, టూ సోల్స్ అనే మూడు చిన్న సినిమాలూ వచ్చాయి.

ఈ పేర్లు చెబుతుంటేనే ఎప్పుడూ వినిపించలేదు అనిపిస్తోంది కదా..? ఇంక ఆ సినిమాల ఫలితాల గురించి ప్రత్యేకంగా చెప్పాలా..?