రణ్భీర్ కపూర్, ఆలియా భట్ జంటకు అనుకోని షాక్ తగిలింది. అది కూడా అభిమానుల నుంచి. అసలేం జరిగిందనే వివరాల్లోకి వెళితే, వీరిద్దరూ కలిసి జంటగా నటించిన తాజా చిత్రం ‘బ్రహ్మాస్త్ర’. సెప్టెంబర్ 9న మూవీ రిలీజ్ అవుతుంది. ఈ సినిమా ప్రమోషన్స్ కార్యక్రమాల్లో చిత్ర యూనిట్ బిజీగా ఉంది. అందులో భాగంగా రణ్భీర్, ఆలియా కలిసి మధ్యప్రదేశ్లోని ఉజ్ఞయిని మహాకాళి దర్శనానికి వెళ్లారు. అయితే గతంలో రణ్భీర్ చేసిన కొన్ని వ్యాఖ్యలపై అక్కడ నిరసనకారుల నుంచి వారికి ప్రతికూల పరిస్థితులు ఎదురయ్యాయి. ఇరువురిని ఆలయంలోకి ప్రవేశింప చేయరాదని నిరసనలు చేపట్టారు. నిరసన సెగలు ఎక్కువగా ఉండటంతో పరిస్థితిని అంచనా వేసి పోలీసులు వారిని అక్కడ నుంచి సంధ్య పూజ చేయకుండానే పంపేశారు.
కానీ బ్రహ్మాస్త్ర దర్శకుడు అయాన్ ముఖర్జీని ఆలయంలోనికి అనుమతించారు. ‘కాళిమాత దర్శనం కోసం ఎన్నో రోజుల నుంచి ఎదురు చూస్తున్నా. దర్శనం అద్భుతంగా జరిగింది. మా సినిమాపై ఆ కాళి మాత ఆశీస్సులు ఉండాలని కోరుకుంటున్నాను’ అంటూ మహాకాళి దర్శనం తర్వాత ఆ ఫొటోలను అయాన్ తన ఇన్స్టాగ్రామ్లో షేర్ చేశారు. గతంలో రణ్భీర్ ఓ సందర్భంలో మాట్లాడుతూ తనకు బీఫ్ అంటే ఇష్టమని, తరుచూ తింటుంటానని అన్నారు. ఇప్పుడా వీడియో వైరల్గా మారింది. దీనికి సంబంధించే రణ్భీర్, ఆలియాలకు నిరసన గళం వినిపించింది
ఇక బ్రహ్మాస్త్ర సినిమా విషయానికి వస్తే సెప్టెంబర్ 9న రిలీజ్ కానుంది. ఇందులో రణ్భీర్, ఆలియా హీరో హీరోయిన్లుగా నటిస్తే అమితాబ్, నాగార్జున, మౌనీ రాయ్ కీలక పాత్రలను పోషించారు.