టాలీవుడ్ స్టార్ హీరో రానా దగ్గుబాటి తనదైన శైలిలో ప్రేక్షకులను అలరించడానికి సిద్ధమవుతున్నాడు. తాజాగా ఆయన హోస్ట్‌గా వ్యవహరిస్తున్న ‘ది రానా దగ్గుబాటి షో’ ప్రోమో విడుదలైంది. ఈ షో ప్రోమోలో రానా తనదైన స్టైల్‌లో ప్రశ్నలు వేస్తూ, సెలబ్రిటీలతో సరదాగా ముచ్చటిస్తున్నాడు.
దర్శకధీరుడు ఎస్.ఎస్. రాజమౌళి, నాని, నాగ చైతన్య, సిద్ధూ జొన్నలగడ్డ, శ్రీలీల, రిషబ్ శెట్టి, రామ్ గోపాల్ వర్మ వంటి స్టార్స్ ఈ షోలో పాల్గొని తమ అనుభవాలను పంచుకున్నారు. ఇండోర్స్‌, అవుట్‌డోర్స్‌ లొకేషన్లలో చిత్రీకరించిన ఈ షో ప్రోమో ప్రేక్షకులను ఎంతగానో ఆకట్టుకుంటోంది.
‘ది రానా దగ్గుబాటి షో’ అమెజాన్ ప్రైమ్ వీడియోలో నవంబర్ 23 నుంచి ప్రతి శనివారం ప్రసారం కానుంది. ఈ షోలో రానా తన స్నేహితులు, సహనటులతో పాటు తెలుగు సినీ పరిశ్రమకు చెందిన ప్రముఖులతో ఇంటర్వ్యూలు చేయనున్నాడు. ఈ షోలో ఎలాంటి స్క్రిప్ట్‌ లేకుండా సహజంగా సంభాషణలు సాగుతాయట. ఇండోర్స్‌, అవుట్‌డోర్స్‌ లొకేషన్లలో చిత్రీకరించడం వల్ల ఈ షోకు మరింత ఆకర్షణ చేకూరనుంది.
