Top
Home > ట్రెండింగ్ > లోన్ మారిటోరియంపై మీ వైఖరేంటి? వారం రోజుల్లో చెప్పిండి.. కేంద్రానికి సుప్రీం ఆదేశం

లోన్ మారిటోరియంపై మీ వైఖరేంటి? వారం రోజుల్లో చెప్పిండి.. కేంద్రానికి సుప్రీం ఆదేశం

దేశంలో కరోనా వైరస్ మహమ్మారి వ్యాప్తిని అరికట్టడానికి మార్చి 25 నుంచి లాక్‌డౌన్ విధించడంతో వేతనజీవులకు ఊరట కలిగించేలా రుణాలపై మారిటోరియం విధిస్తూ రిజర్వ్ బ్యాంకు నిర్ణయం తీసుకుంది.

లోన్ మారిటోరియంపై మీ వైఖరేంటి? వారం రోజుల్లో చెప్పిండి.. కేంద్రానికి సుప్రీం ఆదేశం
X

కరోనా వైరస్ కట్టడికి విధించిన లాక్‌డౌన్ కారణంగా బ్యాంకు రుణాలపై రిజర్వు బ్యాంకు విధించిన మారిటోరియం గడువు ఆగస్టు 31తో ముగియనుంది. ఇప్పటిదాకా ఆర్‌బీఐ నుంచి లోన్ మారటోరియం అంశానికి సంబంధించి ఎలాంటి నిర్ణయం వెలువడలేదు. బ్యాంకులు కూడా మారటోరియం పొడిగింపు అవసరం లేదని అభిప్రాయపడుతున్నాయి. ఇలాంటి పరిస్థితుల్లో లోన్ తీసుకున్న వారు వచ్చే నెల నుంచి చెల్లింపులు తప్పనిసరి కావచ్చు. తాజాగా, మారిటోరియం అంశంపై సుప్రీంకోర్టులో బుధవారం కీలక విచారణ జరిగింది. వారం రోజుల్లోగా ఈ అంశంపై

కేంద్రంతన వైఖరిని తెలియజేయాలనిసుప్రీంకోర్టుకోరింది.

మహమ్మారి విజృంభణతో రుణాలుపై మారిటోరియం విధించినా వడ్డీలపై వడ్డీలను వసూలు చేయడాన్ని కేంద్రాన్ని తీవ్రంగా ఆక్షేపించింది. మీరు కేవలం వ్యాపారం గురించే ఆలోచిస్తున్నారు తప్పా.. ప్రజల ఇబ్బందులను గురించి కాదని వ్యాఖ్యానించింది. వారం రోజుల్లో వైఖరి తెలియజేస్తూ అఫిడ్‌విట్ దాఖలు చేయాలని ఆదేశించింది.

వడ్డీని మాఫీ చేయవచ్చా లేదా, తాత్కాలిక నిషేధ సమయంలో వచ్చే వడ్డీపై వడ్డీని వసూలు చేయడాన్ని ఆపివేయవచ్చా అనేది నిర్ణయించుకోవాలని పేర్కొంది. వాయిదా వేసిన ఈఎంఐలపై వడ్డీని వసూలు చేయకుండా బ్యాంకులను ఆపగలరా లేదా మారటోరియం కాలానికి వడ్డీపై వడ్డీని ఆపగలదా అని నిర్ణయించడానికి విపత్తు నిర్వహణ చట్టం ప్రకారం ఆర్బీఐ నిర్ణయం వెనుక కేంద్రం ఉన్నట్టు తెలుస్తోందని సుప్రీంకోర్టు వ్యాఖ్యానించింది.

ఈ సమయంలో సొలిసిటర్ జనరల్ తుషార్ మెహతా జోక్యం చేసుకుంటూ.. రుణదాతల ఇబ్బందులను పరిష్కరించడానికి ఆర్బీఐ సమన్వయంతో పనిచేస్తోందని అన్నారు. కేంద్రం వైఖరి ఆర్బీఐ కంటే భిన్నంగా ఉండదని ఆయన కోర్టుకు చెప్పారు.

Updated : 2020-08-26T18:27:41+05:30
Next Story
Share it
Top